Personal tools
You are here: Home Books Nyoni Nyonia Nyone

Nyoni Nyonia Nyone

by Ngugi wa Thiong'o

Rũrũ nĩ rũgano rwa kĩrĩu
Rũrũ nĩ rũgano rwa magegania
Rũrũ nĩ rũgano rwĩ na gĩkeno
Rũrũ rũgano rwĩ na ngunyĩrĩrĩ
Nĩ rũgano rwa Abirika itũ
Rũgano rwa mũndũ mũirũ
Rũgano rwa gwĩkũwa na gwĩkũngũĩra
Rũgano rũgũtũma twĩhũge na twĩhũgũre
Rũgano rũratũria twĩtiire na twĩtĩye na citũ
Rekei tũmbũke na Mfuachuma
Rekei atũtware ng'endoinĩ cia kwĩyonera
Rekei twĩmenyere maingĩ marĩa tũtoe
Rekei atũhithũrĩrie hitho iria itũire i hithe
Hitho iria igũtũma twĩrore rĩngĩ twĩmenye wega
Hitho iria igũtũma twĩtiire na twĩtĩye na bũrũri witũ
Hitho iria igũtũma tũgarũrĩre mĩthiĩre na mĩkinyũkĩrie itũ
Ũtonga wa Abirika ũtongie Abirika
Ũtonga wa thiomi citũ ũtũme ithomithie Abirika
Ũtonga wa meciria maitũ ũtũme macarie Abirika itũ
Mĩikarĩre itũ tũmĩkũrie ĩnoore na ĩnorie mĩoyo itũ
Njiarwa na njiarwa, tene na tene!
Rĩu nĩ tũmbũke rĩerainĩ na Mfuachuma
Na tũkĩũmbũka nake, na ithuĩ twĩyugĩre:
Nyoni nyonia nyone!

ISBN 9789966561916 | 62 pages | 210 x 148mm | Colour Illustrations | 2017 | East African Educational Publishers, Kenya | Paperback

Categories:

eBook ISBN: 9789966566461

Authors

Editors

Document Actions